दिनांक १५ जानेवारी २०१० रोजी भारतातून कंकणाकृती सूर्यग्रहण दिसणार आहे. हे कंकणाकृती सूर्यग्रहण मध्य अफ्रिका, मालदिव, दक्षिण केरळ, दक्षिण तामिळनाडू, उत्तर श्रीलंका, बर्मा करीत चिन मध्ये संपणार आहे. तर भारताच्या इतर भागातून हे खंडग्रास स्थितीमध्ये दिसेल. साधारण ३०० कि.मी. व्यासाच्या पट्यातून हे सूर्यग्रहण दिसेल. या ग्रहणाचा कालावधी साधारण १०.०८ मिनिटे एवढा असेल. संपूर्ण भारतामध्ये सूर्यग्रहण रामेश्वरम हे ठिकाण फार चांगले आहे.

खालील चित्रामध्ये दाखविल्याप्रमाणे मधल्या लाल ठळक रेषेच्या पृथ्वीवरील शहरांमध्ये संपूर्ण खग्रास सूर्यग्रहण पाहायला मिळेल. तर या व्यतिरिक्त या निळ्या ठळक रेषेच्या बाजूला दाखविलेल्या फिकट निळ्या रेषेच्या जागेमधील शहरांमध्ये हे सूर्यग्रहण खंडग्रास स्थितीमध्ये पाहायला मिळेल.

संपूर्ण भारतातून हे सूर्यग्रहण दिसणार असले तरी निरनिराळ्या राज्यांमधून हे सूर्यग्रहण कमी-अधिक स्वरूपामध्ये पाहायला मिळेल. मुंबई तसेच संपूर्ण महाराष्ट्रातून हे कंकणाकृती सूर्यग्रहण खंडग्रास अवस्थेमध्ये दिसेल. मुंबईच्या वेळेप्रमाणे सकाळी ११.१७ वा. दक्षिण आकाशामध्ये बराच वर आपल्याला सूर्यग्रहणाला सुरुवात झालेली दिसेल. तर दुपारी ३.०५ वा. पर्यंत हे ग्रहण संपलेले दिसेल तो पर्यंत सूर्य आपल्याला पश्चिम आकाशामध्ये सरकलेला दिसेल. खालील जागेमध्ये महाराष्ट्रातून हे सूर्यग्रहण खंडग्रास स्थितीमध्ये कसे दिसेल याचे ऍनिमेशन दाखविले आहे.

चंद्राचा पृथ्वीभ्रमणमार्ग साधारण ५ अंशांनी कललेला असल्याने चंद्र दर वेळेला जरी पृथ्वी आणि सूर्य यांच्यामध्ये आला तरी त्याची सावली पृथ्वीवर पडत नाही, त्यामुळे फक्त त्याच वेळी सूर्यग्रहण पाहायला मिळते जेव्हा चंद्र, पृथ्वी आणि सूर्य यांच्यामध्ये आल्याने त्याची सावली पृथ्वीवर पडते.